قصيده جديده ..... ...... ......

وإنتهينا !

والزمن يضحك علينا
لا بكينا!
والوداع اللي دريت إنهنصيبي ..
ياحبيبي ..
مو بيدينا!!

ماعلينا ..
أدري ظروفك قوية ياحبيبي .
يا حبيبي .
يا حبيبي .
وأكثر اللي بأفقده كلمة حبيبي !!

كانت شفاهك
تهجاها علي كنها قصيدة
مبجديدة
بس مامرت علينا

الغدير
مصدر هدير الماء .. نشف
الزفير ..
صوتي وأنا أتنفس .. وقف
وضاعتأنفاسي مابين الريح واللي صار فينا

صرت قاسي
صرت أصب أحلامي الحلوة بكاسي ..
وأكسره !
صرت أخافأتذكره
وقبل ميلاد الظروف اللي احصلت لك
بعت ناسي !

صرت مثلك
صرت قاسي !
ما أحس برقة القمرا وهي تضوي جبينك
أو أحس برقة القمرا ولا أدري إنت وينك !

ياحبيبي .
ظنك الدنيا تنسينا بعضنا !
لك معي بأكثر تفاصيلي ملامح
إمسحأبياتي من الدنيا
وأنا والله مسامح !

من زمان
أتخيل إحساسي وأنا أودعك راحل
للحنين ..
لآخر حدود المدينة والسواحل
للسنين ..
اللي مثل جسمي وأنا ناحل
حبيبي .

يا حبيبي !
يا حبيبي !
يا أعز انسان يطعني وأنا راضي عليه
يا أحن أحضان ضمتني وأنا غارق بعيبي !
قول ليه ..

ليه أحسإنك تحاول من زمان
وآخر أيامك قدرت
لين بان !
نظرة الواقع بعينك
صورتي وآنا أدور عنك وينك !
قللي بس وش صار فينا
وين كل وعودنا !
وين آثار البكى بخدودنا
وين حلفك لي
إذا طاري على الهجران على طاري
ماتصد !
تحكيأعذارك ..
وانا والله مسامح !

ما علينا ..
يمكنالعشق القديم يظل فينا
أو يموت إليا بكينا !

المهم .
إنا إنتهينا !
والزمن يضحك
على باقي حكينا !
والوداع الليدريت إنه نصيبي
يا حبيبي
مو بيدينا !




تلاحقنـي ذنوبـي فـي طريـق العمـر
ولا آعـرف السنيـن اللـي بتبقالـي !!

يدينـي غارقـة بأشيـاء غيـر الحبـر
وأبأكتب .. عل يبقى لـي صـدر خالـي

كأن الأرض تحتي من لضاها .. جمـر !

عجزت أوقف أشوف شصار فـي حالـي

وأنا .. عبد ٍ ضعيف إحتاج يبكي .. كثـر
هواجيـس الغيـاب لصاحـب ٍ غالـي !

ولا اجمل من حنين القلب .. غير الصبـر
يعيشنـي " أمـل " لـو مـا تهيـالـي

يحاصرني الشتاء .. وأرجي بصيص الفجر
أبطرد وحدتـي .. وأبقـى مـع ظلالـي

تذكرت الحنين .. وفاض صدري شعـر !!
تفقـدت المكـان .. إلا أنــا لحـالـي

بقى عندي " قلم " .. بيني وبينـه شبـر
وأنا عم المسافـة وقـت يطـرى لـي !

تجر إيدي قصيدة .. ليـن بـاب السطـر
وأنا أوراقـي قصـور ٍ صرحهـا عالـي

وأهيجن .. بالزمـان الممتلـي بالطهـر
وأسمّـع صوتـي المبحـوح .. عذالـي

على .. من ودعتني .. وإتركت لي عطر !
أشمّـه لا طـرى موتـي علـى بالـي

يخالفها " الهواء " وتطير خصلة شعـر ..
تقـل يـد ٍ .. تودعنـي علـى فالـي !

خطاويها يقين إن ( الجفا لـه عـذر ) !
وهـي بنـت الوطـن ورمالهـا رمالـي

وأراقبها .. تراعـي للسمـاء والبـدر ..
وعلى قد الحزن .. كانت تحالـى لـي !

يبس غصن المـلام .. ولا تجـرّا ثغـر !
يتمتـم بالظـنـون وخيـبـة آمـالـي

وراحـت .. لليـال المجهمـات السمـر
ورى ظـروف ٍ كثيـرة مالهـا والـي ..

مع إني بأفتقدهـا .. بـس تامـر أمـر
لـو إنهـا طالبتنـي روحـي أشـوالـي

وش الأرض اليباس .. إلا حـدود البحـر
وش البحر الغزير .. إلا ( صدر غالـي )!

وأنا ما ادري .. لو أهرب من ذنوب العمر
أبهرب مـن طواريهـا علـى بالـي ؟!




على بابك !


قضى هذا القمر .. " ليلة " على بابك ..

تخيل نفسه " الليلة " من أحبابك !

وجا لمك ..


ولا همك ..




على بابك !


قضى قلبي أنا " عمره " على بابك ..

تخيل نفسه إنه أقرب أحبابك ..

وأخذ همك ..


ولا همك !


على بابك ..


أنا !

ونور القمر ..

وأطول حكايات العمر ..

وكل ما طرى ..

ذاك الزمان إنه يمر ..

وحزني أنا !

وإحساسي بكبر العنا ..

وإنها نهاية حبنا ..


وإن الليالي تعتذر !

عن سرقت أوقات الهنـــا ..

وخايف أقول إن كل شيء !

وقف على بابك ..

ولا همك ..


ولاهمك ..



على بابك !


تذكرت البراد وريحة ثيابك ..


تذكرت الحكي والهمس

تذكرت الكلام اللي عن إسم الشمس !


هنا من أمس ..

أنا واقف على بابك ..

وأنا أدري !


ما ورى بابك فرح ..


يا وردة أصحابك !


ولكن ..

لي أمل بإن الخفوق اللي إنجرح .. يقسى !

ولا ينسى ..

لأنك أجمل اللي صار لي في عمري الماضي ..


أنا واقف ..

على بابك هنا !

أبكي على غيابك ..


أنا واقف ..

على قلبي أنا !

كله من أسبابك ..


أنا واقف ..

أقول إ

إني : " أحبك "

لو بليا صوت ..


عيوني تكفي عن كل الكلام ..


اللي أبآقوله ..


ولا أدري ..

لو إنك شايفه كل السوالف والغرام اللي على بابك ..

يبي يهمك ؟


ولا همك !





المتحدث بكل ما يحس به شعرا ً ..
والمتفرد بكل ما يكتبه موضوعا ً وفنا ً وبناء ً جدير بالإحتفاء ..
إختصر الكثير من الحب في قصيدة
وبعثر الكثير من الحزن بحضوره وإلقاءه الجميل وصوته الشجي ..
دائما ً ما يملك الفكرة كاملة قبل الكتابة ويخرج بقصيدة كاملة الفكر والمعنى والفن ..

أدهش الجميع بحضوره
في الأمسيات وفي المحافل الأدبية ..
وأحدث أحد اجمل الزوابع الشعرية في حضوره الأخير في شاعر المليون ..
حفظ له الكثير واحتفظ بشعره الكثير وحفظت اسمه الساحة كأحد اجمل الأسماء التي تقدمت لخطبتها برقي وأدب وشعر وحضور وصوت جميل ..